【我發覺 我冇以前咁鍾意陳卓賢】

#全民造星 嘅時候
最耀眼最吸引我...

【我發覺 我冇以前咁鍾意陳卓賢】

#全民造星 嘅時候
最耀眼最吸引我嗰個 就係 #ian #陳卓賢
感覺Ian 好清新
就係佢第一首solo歌 #二期大樓 嗰種感覺
又識自彈自唱 感覺會成為樂壇新清泉
到 #正式開始 都仲係同佢個樣一樣 好sweet
令人好舒服嘅感覺

由Mirror Go 開始 已經覺得佢成日唔出聲 坐埋一邊
再從 #鯨落 到 #背伴
感覺到佢唔係想轉一個歌路
而係呢個先係真正嘅佢 亦係低潮中嘅佢
內心入面好黑暗 亦唔想有人走入嚟

『擁有沒有 不必追究
回報是見著那些笑口』

睇完前晚嗰集
我覺得個fans講嘅嘢好勇敢 好中！！！
其實我心入面都咁諗
永遠見佢chok住 好耐冇見過陳仔真心笑
陳仔講返自己嘅時候
我覺得我同佢好似 好似睇住佢講緊我自己咁
其實好似我哋呢類人 係唔會鍾意同自己同類玩
比較鍾意同AK呢類型嘅人玩
感覺同佢一齊 唔會俾人發現自己好靜好悶
佢會不停有話題 製造歡樂氣氛
咁我就唔使做啲咩 亦唔洗我要挖啲野分享
同埋會好羨慕佢嗰種豁達 直率 同 幽默
因為我好難先會有
好多時要扮出嚟
但其實唔想扮 亦唔想為咗人哋開心而委曲自己

比起一大班人一齊 我鍾意兩三個人一齊
好唔鍾意嗰種 大家傾得好開心
而我 就係隔離一直埋唔到堆 唔知你哋講乜
更加唔知畀咩反應好
更加唔想人哋去關心我 問我私人嘅嘢
就係唔想同人講
有咩我自己知就得
講出嚟冇人幫到我之餘 仲覺得其他人唔知會用咩眼光睇我

因為太似
所以潛意識令我好怕去鍾意陳仔
因為我自己都唔鍾意自己
原來佢唔係我開頭鍾意嘅嗰種開朗清新嘅人

當然我希望佢可以開心啲 活潑啲
但呢啲性格 夾硬改係好辛苦
我自己都改唔到 就唔會希望人哋去改
所以 佢開心 做自己就好
我希望佢可以好似返以前咁開心
點都好 佢唱歌好好聽
就算我點樣怕嗰種性格 都會繼續鍾意佢嘅歌

#調教你Mirror #Mirror
#梁祖堯 #花姐 #ViuTV
#純粹個人感覺

---